Knattspyrnuþjálfaranum Frey Alexanderssyni var í gær sagt upp af hinu belgíska liði K.V. Kortrijk eftir dapurt gengi liðsins á tímabilinu. Freyr náði á seinasta tímabili stórkostlegum árangri með liðið þegar hann var sóttur til Danmerkur sérstaklega til bjarga liðinu frá falli en liðið var svo gott sem fallið þegar Freyr tók við.
Freyr verður þó eflaust ekki lengi atvinnulaus en eins og margir vita stendur yfir leit að nýjum landsliðsþjálfara fyrir karlalið í Íslands og hefur þjálfarinn verið talinn líklegastur, auk Arnars Gunnlaugssonar, til að fá starfið.
Freyr hefur áður starfað fyrir KSÍ og þekkir því vel til innan sambandsins en hann hefur þjálfað íslenska kvennalandsliðið til fjölda ára og verið aðstoðarþjálfari karlamegin. Líklegt þykir að Þorvaldur Örlygsson, formaður KSÍ, sé þegar búinn að taka upp símtólið og hringja til Belgíu …
Athugasemdir