Fyrsti upplýsingafundur ríkisstjórnar Kristrúnar Frostadóttur gekk vel fyrir og svöruðu valkyrjurnar þrjár vel fyrir sig. Stjórnin er í gríðarlegum meðbyr og fær næstu 100 daga til að sanna sig. Langflestir eru ánægðir með stjórnina en þar eru Mogginn og ráðamenn þess fjölmiðils undanskildir.
Á meðal þeirra sem mættu á fundinn var Andrés Magnússon blaðamaður á Morgunblaðinu sem fékk sína spurningu. Hann spurði Þorgerði Katrínu Gunnarsdóttur, formann Viðreisnar, ísmeygilega út í áform um tekjuöflun. Utanríkisráðherrann var rétt að byrja að svara spurningunni þegar Andrés gjammaði fram í fyrir henni. Þorgerður Katrín þagnaði, horfði hvass á aumingja Andrés, og sagði svo háðslega að hann væri kannski búinn að skrifa svar hennar fyrirfram. Eftir það var Andrés sem utangátta og hafði fátt meira fram að færa …
Athugasemdir