Grímur gerir stólpagrín að reglum um rafrænu skilríkin

Grímur Atlason gerir stólpa­grín að reglum um raf­rænu skil­ríkin í nýrri Facebook-færslu. Fram­kvæmd­ar­stjóri Geð­hjálpar, Grímur Atlason setur sig í spor mann­eskju á tíræð­is­aldri sem þarf að sækja um ný raf­ræn skil­ríki, í nýrri Facebook-færslu. Gerir hann stólpa­grín að flóknum reglum um raf­rænu skil­ríkin. Telur Grímur upp allt það sem fólk þarf að gera til að end­ur­nýja raf­rænu skil­ríkin en það er ansi flókið fyrir fólk á tíræð­is­aldri eins og Grímur bendir á.

Hér má lesa færsl­una:

„Nú er ég á 97. ald­ursári, í hjóla­stól og á hjúkr­un­ar­heim­ili. Renna þá raf­rænu skil­ríkin mín út og nafn­skír­teinið sem ég fékk fyrir fimm árum er líka útrunnið en á því lít ég nákvæm­lega eins út og ég geri í dag – ég var jú 91 árs þegar myndin í því var tekin. Skal ég þá gera eft­ir­far­andi:

1. Panta tíma hjá sýslu­manni.2. Panta sér­stakan leigu­bíl sem tekur hjóla­stóla og mæta í mynda­töku (má alls ekki leyfa honum að fara meðan ég bíð eftir þjón­ust­unni því þá gæti ég þurft að bíða í nokkra klukku­tíma eftir næsta lausa bíl). Kostar dágóðan slatta þetta ferða­lag.3. Bíða í nokkra daga.4. Sækja nafn­skír­teini hjá Þjóðskrá í sér­út­búna leigu­bílnum sem þarf að bíða eftir mér.5. Panta tíma í bank­anum.6. Fara í bank­ann, sem ég hef verið í við­skiptum við frá því um miðja síð­ustu öld, í sér­út­búnum leigu­bíl og sýna þeim nýja nafn­skír­teinið mitt til að sanna að ég sé ég og geti þannig fengið að nota pen­ing­ana mína sem ég hef lánað bank­anum sl. ára­tugi.Er ekki örugg­lega verið að vinna í því að ein­falda aðgengi okkar að hvítvíni?“