Inga Sæland, formaður Flokks fólksins, er orðin einhver helsta féþúfa Morgunblaðsins sem undanfarið hefur sótt sér margar smellur með því að fjalla um líf og störf hennar. Ekkert fer framhjá alsjándi augum sendiboða auðkonunnar og sædrottningarinnar Guðbjargar Matthíasdóttur í Vestmannaeyjum sem heldur Mogganum á lífi og situr klukkandi á fjósbita stjórnar félagsins. Þannig hafa fréttir birst af hinum ólíklegustu málum eins og skóm barnabarns Ingu og fjárstyrkjum flokks hennar sem var ranglega ofgreiddur.
Flestar deildir Moggans hafa tekið þátt í herferðinni. Marta María Jónasdóttir, ritstjóri Smartlands, lagði sitt lóð á vogarskálarnar með því að upplýsa að Inga ætti bæði blokkaríbúð í Reykjavík og gamalt einbýli á Ólafsfirði. Marta hefur fram að þessu ekki verið talin mjög djúpþenkjandi sem blaðamaður. Það kann þó að breytast eftir að hún uppljóstraði um fasteignakaupin sem að vísu voru alls ekki ólögleg og áttu sér stað fyrir nokkrum árum.
Inga hefur verið með leiðindi í garð stórútgerðar Guðbjargar og vill að hún greiði hærri veiðigjöld. Þá telur Inga að efla eigi smábátaútgerð í landinu. Moggafólk veit að veiðarnar ógna mjög fiskistofnum á Íslandsmiðum. Þessar skoðanir og væntanlegar gjörðir eru stórhættulegar þegar litið er til þeirra Guðsengla sem standa í stórútgerð og halda Íslandi með harðfylgi og áræði á floti auk þess að eiga fiskistofnana.
Gísli Marteinn Baldursson, sá umdeildi húmoristi og sjónvarpsmaður, telur rétt að breyta nafni Smartlands Mörtu í Sæland Mörtu og heiðra þá um leið Guðbjörgu …
Athugasemdir