Söngvakeppnin og þátttaka RÚV í Eurovision kostar um 180 milljónir króna

Áætlaður kostn­aður við fram­kvæmd Söngvakeppn­innar og þátt­töku RÚV í Eurovision í ár, er um 180 millj­ónir króna.

Í kvöld fer fram seinna und­an­úr­slita­kvöld Söngvakeppn­innar á RÚV þar sem fimm atriði keppa um hylli áhorf­enda og mögu­leik­ann á að taka þátt í Eurovision-söngvakeppn­inni sem fram fer í Sviss í mars næst­kom­andi.

Mannlíf sendi fyr­ir­spurnir til RÚV þar sem meðal ann­ars var spurt út í áætl­aðan kostnað við keppn­ina í ár.

Í skrif­legu svari frá RÚV segir að kostn­aður við fram­kvæmd Söngvakeppn­innar og þátt­töku RÚV í Eurovision í Sviss verður um 180 millj­ónir króna og að það sé svipað og hefur verið síð­ustu ár, með til­liti til verð­hækk­ana.

Mannlíf spurði einnig hvort RÚV sjái fram á að keppnin komi út í hagn­aði og hvort það skipti máli fyrir RÚV. Þá var að lokum spurt hversu mikið RÚV fengi af þeim krónum sem almenn­ingur borgar til að kjósa í Söngvakeppn­inni.

Eft­ir­far­andi svar barst: „Und­an­farin ár hafa tekjur og gjöld að jafn­aði verið nálægt því að vera á pari, ef frá er talið árið í fyrra. RÚV fær  um helm­ing af tekjum vegna síma­kosn­ingar en svo koma líka tekjur af aug­lýs­inga­sölu, útgáfu, miða­sölu osfrv. Tekju­straumar af fram­kvæmd keppn­innar hafa verið á pari við kostnað við að halda hana.“