Kjartan er sérfræðingur í rafmyntum: „Rafmyntir eru líklega gjaldmiðill framtíðarinnar.“

Nýjasti gestur bræðr­anna Gunnars Dan og Davíðs Karls Wiium í Þvotta­hús­inu er eng­inn annar en Kjartan Ragnars, Cryptosérfræðingur og lög­maður. Hann er einn af stofn­endum og eig­endum raf­mynta við­skipta­hall­ar­innar Myntkaup. Myntkaup fór í loftið í maí 2020 er eini íslenski vett­vang­ur­inn þar sem hægt er að eiga við­skipti með raf­myntir.

Kjartan Ragnars

Mynd: Aðsend

Kjartan leiddi okkur á hinn fram­andi og að mörgum finnst flókna heim raf­mynta og þá helst heim raf­mynt­ar­innar Bitcoin. „Raf­myntir eru lík­lega gjald­mið­ill fram­tíð­ar­innar,“ sagði Kjartan við þá bræður.

Þegar bræð­urnir spyrja Kjartan hvað raf­myntir eða Bitcoin sé þá rekur hann mann­kyns­sög­una og þá fjöl­mörgu gjald­miðla sem við lýði hafa verið. Hvernig þeir hafa risið og fallið og hvernig það kerfi sem við þekkjum í dag er lík­legt til þess að líða undir lok.

Peningar leystu gullið af

Hann talar um ójöfnuð og hvernig rík­asta 0.1% á auð­velt með að sölsa undir sig verð­mætum og verða enn rík­ari sem leiðir til enn meiri ójöfn­uðar. Ójafn leikur verður að telj­ast. Ríki heims­ins takast á við stríðs­brölt og halla­rekstur með því að prenta meiri pen­ing og geta þar með haldið áfram hinu dag­lega lífi, eitt­hvað sem ekki væri hægt eða ill­mögu­legt með Bitcoin enda eru tak­mörk á því hversu mörgum Bitcoin verður grafið eftir eða 21.milljón Bitcoin. Hann tekur sem dæmi Róma­veldi þar sem helsti gjald­mið­ill­inn var gull en stríðs­brölt og aukn­ing opin­bera starfa kall­aði á þægi­legri og aðgengi­legri gjald­miðil og þá leysti pen­ingur gullið af hólmi. Ef hann skorti voru fleiri myntir slegnar.Máli sínu til stuðn­ings fræddi Kjartan Davíð og Gunnar um það hvernig Afríka til forna not­aði skeljar sem gjald­miðil en erfitt var fyrir þá að vinna og sækja slíkt og því góður gjald­mið­ill. Þegar Evr­ópu­búar komust að þessu þá sölsuðu þeir undir sig verð­mætum þar með ein­földum hætti enda aðgengi þeirra að þessum efni­við ein­faldur. Arðrændu þá. Fleiri slík dæmi voru rædd í þætt­inum. Góður gjald­mið­ill á heima­velli en í alþjóð­legum við­skiptum ekki alveg.

Með raf­myntum er leik­ur­inn jafn­aður.

Verð­bólga og óða­verð­bólga er meðal þess sem bar á góma í þessu sam­hengi þar sem þjóðir hafa farið offorsi í pen­inga­prentun með hræði­legum afleið­ingum.

Aðspurður um sam­an­burð Bitcoin við aðrar raf­myntir vill hann meina að það séu margt áhuga­vert og fram­bæri­legt en þó séu aðrar raf­myntir af öðru meiði en Bitcoin og séu að reyna ná yfir fleiri anga t.d. Nft og þar fram eftir göt­unum. Bitcoin er í raun ein­falt kerfi og full­komið sem slíkt og fyrir það sem það á að gera. Þegar Kjartan er spurður hvernig sé hægt að umbreyta Bitcoin í pen­ing þá segir Kjartan það ein­falt. Þú ein­fald­lega leggur Bitcoinin þín t.d. inn á Myntkaup og ýtir á selja. Þar með umbreytir þú Bitcoininu þínu í pen­ing. „Munurinn á hluta­bréfa­mark­að­inum og raf­mynta­mark­að­inum er að hann er opin 24/7,” sagði Kjartan og bætti við, „og gríð­ar­leg velta þar á.” Gunnar spyr Kjartan hvort hann vilji kann­ast við að Bitcoin sé jafn óum­hverf­is­vænn gjald­mið­ill og sagt hefur verið en því er haldið fram að ein Bitcoin færsla jafn­gildi tveimur millj­ónum debet­korta­færsla. Kjartan neitar þessu ekki en kemur með góð rök hvers vegna Bitcoin er ekki óum­hverf­is­vænni kostur en hag­kerfið eins og við þekkjum það í dag er.

„Bitcoin kerfið er gríð­ar­lega gagn­sætt, færsl­unar sem slíkar taka jú mun meiri orku en utan­um­haldið og kerfið í kringum Bitcoin er mun minna og ein­fald­ara en í hinum hefð­bundna hag­kerfi. Áhuga­verð og mik­il­væg umræða að taka.“

Stór batt­erí eins og líf­eyr­is­sjóðir á Íslandi hafa ekki verið að fjár­festa í Bitcoin en Kjartan veit til þess að til dæmis hafi líf­eyr­is­sjóður í Ísrael fjár­fest í Bitcoin fyrir 100 millj­ónir doll­ara. Það er til marks um að pen­inga­el­ítan og mask­ínan er byrjuð að við­ur­kenna Bitcoin og hvaða tæki­færi í því fel­ast.Aðspurður seg­ist hann setja svo til öll egg sín í sömu körf­una og fjár­festa í Bitcoin og að litlu leiti öðrum raf­myntum. Hann vilji „put your money where your mouth is,“ eins og hann orðað það á lélegri íslensku (en fínni ensku).

Gunnar spyr Kjartan hvort Bitcoin sé komið að handan og hafi jafn­vel verið búið til af geim­verum eða úr fram­tíð­inni en Kjartan seg­ist ekki trúa því en kann­ast við umræð­una. Stað­reyndin er sú að höf­undur Bitcoin er óþekktur en margar get­gátur og sam­særi eru á kreiki um hver eða hverjir séu á bak­við þetta fyr­ir­bæri. Hér fyrir neðan má sjá við­talið í heild sinni: