Þurfti ekki að vera vegan því hún hafði aðgang að Íslensku lambakjöti

Trausti Hjálm­ars­son, bóndi í Aust­ur­hlíð í Tungunum og stjórn­ar­maður í Bænda­sam­tökum Íslands er gestur Spjall­vina Guðna Ágústs­sonar að þessu sinni.

Líkt og Guð­mundur Jón Við­ars­son, sem var gestur Guðna á dög­unum, telur Trausti að nauð­syn­legt sé fyrir Íslenskan sauð­fjár­bú­skap að lamba­kjötið sé mark­aðs­sett sem sú gæða­vara sem það er og verð­lagn­ingin þurfi að vera eftir því.

„Við höfum verið til­búnir, Sauð­fjár­bændur, að leggja heil­mikið á okkur til þess að hjálpa til við það að það lamba­kjöt sem fer úr landi, hvort sem það eru þús­und tonn eða fimmt­án­hund­ruð eða hvað það er, að það sé raun­veru­lega verið að selja það og mark­aðs­setja sem Íslenskt gæða­kjöt en ekki bara sem upp­fyll­ingar efni í ein­hver kjöt­borð úti í heimi þar sem eng­inn veit hvað hann er að kaupa.“

Trausta er minn­is­stætt að fyrir tveimur árum hitti hann fyrir Þýska konu sem er vegan en hún hafði verið að ferð­ast um Ísland í um viku þegar hún komst að áhuga­verðri nið­ur­stöðu.

Trausti telur að staðan hjá sauð­fjár­bændum hafi verið þung mjög lengi og að mis­tök hafi verið gerð í verð­lagn­ingu og mark­aðs­setn­ingu á dilka­kjöti þegar kjúklingur og svína­kjöt voru að hefja inn­reið sína á Íslenskan markað á 9. ára­tug síð­ustu aldar.

Sú veg­ferð var farin að keppa við þessar afurðir í verð­lagn­ingu en það hafi haft það í för með sér að Íslenskum sauð­fjár­bændum, sem fram­leiða hvað mest kjöt á hverja kind í Evrópu, hafi ekki verið unnt að selja lamba­kjötið á verði sem hæfir fram­leiðslu­ferli og gæðum vör­unnar.

,,Ef það verður ekki viðsnúningur í verðum í haust þá er baráttan að tapast.“

Það er mat Trausta að sauð­fjár­bændur hafi gert allt sem þeir hafi verið beðnir að gera varð­andi fjölgun kílóa af kjöti á hverja kind og halda fram­leiðslu­kostn­aði niðri en nú sé ein­fald­lega komið að hinum að gera sitt; afurða­stöð­unum og versl­un­unum.

Trausti er ugg­andi yfir hækk­andi verði á aðföngum en telur þó að árið 2022 sé að sleppa fyrir horn þar sem búið sé að afla þess sem þarf fyrir árið en fyrst verði áhrifa verð­hækk­an­anna veru­lega vart á næsta ári þar sem ekk­ert lát er á þessum hækk­unum, m.a. vegna stríðs­ins í Úkraínu.

„Við þurfum að gera okkur grein fyrir því, Íslend­ingar, að við erum rík þjóð í góðu landi og við eigum að geta fram­leitt meiri mat bæði fyrir okkur og fyrir þá sem munu þurfa mat eftir allar þessar hörm­ungar sem eru að dynja yfir heim­inum.“