Ingeborg er vel menntaður grasalæknir: „Gleymum að við erum sjálf náttúran“

Nýjasti gestur bræðr­anna Gunnars og Davíðs Wiium er engin önnur en grasa­lækn­ir­inn Ingeborg Andersen. Ingeborg lærði vest­rænar grasa­lækn­ing­ar við Uni­versity of West­minster í London.

Ingeborg í nátt­úr­unni

Mynd: Aðsend

Vildi að hún yrði tekin alvar­lega

Hún seg­ist hafa valið skól­ann því hún hafi viljað að hún væri tekin alvar­lega. Í því sam­hengi nefnir hún að hægt sé að læra grasa­lækn­ingar á stuttum helg­ar­nám­skeiðum.

„Þetta var eig­in­lega eina alvöru námið sem ég gat fundið því mér lang­aði að vera tekin alvar­lega. Þú getur kallað þig graasa­lækni ef þú hefur farið á nokkur helg­ar­nám­skeið.“

Gunnar spurði Ingeborg hver mun­ur­inn væri á vest­rænum og aust­rænum grasa­lækn­ingum. Ingiborg sagði að jurta­úr­valið sé og hafi alltaf verið mis­jafnt hvað það varðar en að viss sam­runi sé að eiga sér stað, sífelt meira og meira. Heim­ur­inn sé að minnka og vest­rænir grasa­læknar farnir að vinna meira með jurtir úr austr­inu. 

Ingeborg kemur úr fjöl­skyldu af læknum, afi hennar og pabbi eru læknar og mamma hennar hjúkr­un­ar­fræð­ingur. Það hafi alltaf legið fyrir að hún skuli einnig verða læknir en þegar nær dró fann hún að henni fannst námið ekki bara þurrt heldur líka erfitt yfir­ferðar sökum viss áhuga­leysis um náms­efnið. 

Máttur grasalækninga

Eftir að Ingeborg hafði glímt við krón­íska sýk­ingu í um hálft ár fann hún mátt grasa­lækn­ing­anna en hún var orðin ónæm fyr­ir öll­um sýkla­lyfj­um sem hún próf­aði og það var svo í raun pabbi hennar, lækn­ir­inn sem ráð­lagði henni að fara til grasa­læknis til að finna bót meina sinna. 

Ingeborg sagði í við­tal­inu að grasa­lækn­ingar hafi hér áður fyrr talist sem almenn viska tengd heilsu og líðan, fólk hafi verið í nán­ari teng­ingum við nátt­úr­una og mátt­inn sem í henni býr. Hún vill meina að þessi teng­ing og vit­neskja sé smátt og smátt að tap­ast.

„Við erum að reyna að útrýma nátt­úr­unni úr umhverf­inu okkar og gleymum að við erum sjálf nátt­úran. Mér finnst það alveg vera gefið að ef þú ætlar að lifa án nátt­úr­unnar þá getur þú ekki lifað heil­brigðu lífi. Við erum ekki að gefa lík­am­anum rými til að lækna sig sjálfan ef við erum í streitu­á­standi því það er ekki ástand þar sem lík­am­inn er að setja sig í for­gang við að laga sig.“

Íslensk nátt­úra nóg

Hún segir að í íslenskri nátt­úru sé að finna allar þær plöntur og öll þau grös sem mað­ur­inn þarf til almennra heilsu­bóta, það eina sem þarf er að fá sér göngutúr og ná í það. Segist hún alltaf meira og meira verða vör við vissa vit­und­ar­vakn­ingu hvað varðar grasa­lækn­ingar. „Við höfum notað jurtir frá því að við vorum apar og fyrir það örugg­lega og ef þú fylgist með dýr­unum þá vita þau nákvæm­lega hvaða jurtir þau þurfa þegar þau eru veik og mikið sem við höfum lært frá þeim.”

Hægt er að horfa á allt við­talið hér fyrir neðan og mæli Mannlíf ein­dregið með því enda mjög áhuga­vert og skemmti­legt við­tal.