Sigmundur Ernir skammar Rússa í fánamálinu: Ritstjórinn stefnir á hæsta fjall Afríku

„Þetta var gert til þess að hræða og hræða aðra í kringum okkur á hinum Norð­ur­lönd­unum og víðar í frjálsri Evrópu upp á að gæta sín; fara ekki að birta svona myndir – það gæti haft eft­ir­mál. En við eigum bara að standa í lapp­irnar,“ segir Sig­mundur Ernir Rún­ars­son, rit­stjóri Frétta­blaðs­ins, í hlað­varps­við­tali við Reyni Trausta­son þegar þeir ræða um afskipti rúss­neska sendi­ráðs­ins hér á landi í kjöl­far þess að Frétta­blaðið birti mynd af rúss­neska fán­anum sem var Rússunum ekki að skapi. Hann skammar Rússa og seg­ist ekki hvika frá því að birta fréttir og myndir sem eigi erindi við almenn­ing.

„Ég hef verið í blaða­mennsku í yfir 40 ár og hef aldrei fengið til­skip­anir frá sendi­ráði á Íslandi sem vill hlut­ast til um það hvaða myndir við birtum og hvaða myndir við birtum ekki.“

Sig­mundur segir jafn­framt; „að honum finn­ist þetta ekki vera aðför að Frétta­blað­inu í sjálfu sér. Mér finnst þetta aðför að íslenskum fjöl­miðlum. Ég tók sér­stak­lega eftir því að íslenskir fjöl­miðlar stóðu saman allir sem einn gegn þess­ari aðför og það er vel og ég tek hann minn ofan fyrir íslensku fjöl­miðla­fólki fyrir að sýna sam­stöðu á svona stundum þegar sótt er að með ein­ræð­is­legum til­burðum að frjálsri fjöl­miðlun. Og frjáls fjöl­miðlun er einn af horn­steinum lýð­ræðis og mann­rétt­inda.“

Sama dag og bréfið frá rúss­neska sendi­ráð­inu barst var vef­ur­inn, fretta­bla­did.is, tek­inn niður og segir Sig­mundur Ernir að hann hafi hökt fram eftir morgni. „Það kom jafn­framt hót­un­ar­bréf í okkar rit­stjórn­ar­póst vænt­an­lega frá rúss­neskum þjóð­ern­issinnum sem sögð­ust ætla að taka vef­inn alger­lega niður klukkan 12 sam­dæt­urs að Moskvu­tíma; klukkan níu um kvöldið að okkar tíma. Og það gekk ekki eftir. Það varð engin árás á vef­inn á þeim tíma þannig að þetta var í orði kveðnu til þess að skapa ótta.“ Sig­mundir Ernir segir að fundað hafi verið með utan­rík­is­ráðu­neyt­inu, net­ör­ygg­is­þjón­ustu rík­is­ins og rík­is­lög­reglu­stjóra.

Sig­mundur Ernir er önnum kaf­inn maður. Hann er er rit­stjóri, rit­höf­undur og sjón­varps­maður. Svo klýfir hann fjöll sér til ánægju. Í næsta mán­uði er hann á leið á Kilimanjaro, hæsta fjall Afríku.

Viðtalið má hlusta í heild sinni í spil­ar­anum hér að ofan, en við­talið verður svo birt í heild sinni í fyrra­málið á vefnum.