Hörður flugstjóri varð vélarvana: ,,Ekkert annað að gera en að opna gluggann og stinga hausnum út!“

Gestur Mann­lífs­ins er Hörður Guð­munds­son flug­stjóri en hann hefur átt ótrú­legan feril sem flug­maður.

Hann hóf feril sinn fyrir vestan, í fyrstu á eins hreyf­ils vél en til­drög þess þegar hann fékk fyrstu tveggja hreyfla vél­ina má segja að hafi orðið til þess að hann varð hirð­flug­maður Hanni­bals Valdi­mars­sonar þegar hann náði kjöri á þing árið 1971. Hann hafði þá verið að skutla þing­mönnum sem voru á kosn­inga­ferða­lögum og eitt skiptið þegar hann var að ferja Hannibal inn á Ísafjörð sáu þeir tveggja hreyfla Piper Aztec vél. Hörður segir þá við Hannibal að verði hann kos­inn á þing muni þeir fá sér svona vél sem svarar um hæl „og þú verður þá hirð­flug­maður.“ Hannibal náði kjöri og Hörður hlaut heið­urs­nafn­bót­ina hirð­flug­maður.

Á ferl­inum upp­lifið Hörður margt og eitt skiptið mun­aði minnstu að mjög illa færi þegar hann varð vél­ar­vana.

„Þetta var þarna rétt í kringum 1970 og við erum að koma til baka og yfir Djúpinu heyri ég einn smell, háan smell, hvín í eitt­hvað og það er ekk­ert, við höldum bara áfram og við vitum ekk­ert hvað þetta var. Svo erum við komin í lækkun og komum inn yfir bæinn á Ísafirði þegar ég dreg af hreyfl­inum til þess að lækka og þá allt í einu kemur rosa­legur hrist­ingur í vél­ina og það verður allt svart bara. Olían frá mót­ornum hún fer framúr, yfir glugg­ann og það er ekk­ert annað að gera heldur en að opna hlið­ar­glugg­ann og stinga hausnum út!“

Þáttinn má sjá í heild sinni hér, á efn­isveitu Mannlífs.