Reynir féll útbyrðis á Hafliða og fannst aldrei: „Hann var mjög jákvæður og skemmtilegur“

Gestur Sjóarans er að þessu sinni Ragnar Rúnar Þor­geirs­son, skip­stjóri og sjó­maður til fjölda ára. Hann er einnig brand­ara­smiður, hefur birt einn brand­ara á hverjum degi á Facebook síð­ast­liðin 13 ár. Í við­tal­inu rifjar Ragnar upp lífið á sjónum, sem oft á tíðum var ansi skraut­legt og skemmti­legt.

En Ragnar sigldi ekki alltaf lygnan sjó, ef svo má að orði kom­ast því þegar hann var skip­stjóri á mót­or­bátnum Hafliða, dróst 17 ára piltur, sem vann á bátnum, út með fær­inu og drukkn­aði, árið 1991.

„Við vorum á netum og vorum að leggja,“ rifjar Ragnar upp og heldur áfram. „Og við vorum nýbúnir að láta drek­ann detta og þá flækt­ist færið í hönd­unum á einum og hann fór útfyrir og sökk strax“.

Áhöfnin á Hafliða var nýbúin að vera á björg­un­ar­nám­skeiði. Þeir vissu því nákvæm­lega hvernig ætti að bregð­ast við í svona aðstæðum.

„Ég stakk upp á það við strák­ana hvort við ættum ekki að fara á björg­un­ar­nám­skeið. Og þeir voru alveg til í það. En um leið og hann fór útfyrir þá vissi ég nákvæm­lega hvað þyrfti að gera, snúa bátnum eins og í átta. Og reyna að ná í mann­inn en hann hefur senni­lega farið alveg niður í botn og losnað þar. Svo tókum við færið og ég setti olíu­gjöf­ina alveg á fullt og við hífðum upp færið en þar var ekk­ert.“

Ragnar segir að dreng­ur­inn, sem hét Reynir Ólafsson hafa verið afar glað­lyndan.

„Hann var mjög jákvæður og skemmti­legur,“ sagði hann og bætti við að áhöfnin hafi síðar farið að hitta for­eldra Reynis, sem hafi verið afar mik­il­vægt en for­eldr­arnir vildu fá að vita um öll smá­at­riðin sem tengd­ust slys­inu og svo rifj­uðu áhafn­ar­með­limir skemmti­legar sögur af Reyni.

Ragnar Rúnar hefur aldrei kom­ist yfir þennan atburð. Hann seg­ist hafa farið yfir það í huga sínum ítrekað hvort eitt­hvað hefði getað orðið reyni til bjargar en nið­ur­staðan sé alltaf sú að þetta hefði verið óhapp sem ekk­ert var hægt að gera til að afstýra.