Íslenska stuttmyndin O (Hringur) með Ingvari E. Sigurðssyni í aðalhlutverki hlaut um helgina DANZANTE verðlaunin sem eru aðalverðlaun 53. alþjóðlegu kvikmyndahátíðaðinnar í Huesca á Spáni.
Rúnar Rúnarssonar er leikstjóri myndarinnar og framleiðandi er Heather Millard.
Segir í umsókn dómnefndar
að „O (Hringur) er sneisafull af hráum tilfinningum sem og sjónrænum ljóðum, myndin sýnir á falleg hátt meistaralega frásagnar hæfileika Rúnarssonar á aðeins 20 mínútum. Hún lýsir sálrænni nánd manns í vanda. Myndin býður upp á næma og fínlega upplifun þar sem hvert smáatriði hefur mikla vigt.“
Verðlaun þessi valda því að nú er O (Hringur) komin í forval til Óskarsverðlaunanna 2026 og var Heather Millard framleiðandi eðlilega „í skýjunum eftir að við fengum þessar frábæru fréttir. Þetta er búið að vera mikið ævintýri. Rúnar var auðvitað tilnefndur til Óskarsverðlaunna 2006 fyrir Síðasta Bæinn og kom það einmitt eftir að vinna DANZANTE verðlaunin 2005 fyrir þá mynd. Við frumsýndum bæði Ljósbrot og O (Hringur) á síðasta ári og hefur þetta verið ótrúlegt ár fyrir báðar myndir. Við erum svo stolt af öllu því frábæra fólki sem vann við þessar myndir og gerðu þær að veruleika.“
Stuttmyndin O (Hringur) er ljóðræn frásögn af manni sem vill standa sig en hans helsta hindrun er hann sjálfur.
Myndin var frumsýnd á kvikmyndahátíðinni í Feneyjum í haust og hefur verið á ferðalagi um heiminn síðan. Kemur fram í tilkynningu að þetta séu elleftu verðlaun myndarinnar, og er hún einnig komin í forval Evrópsku kvikmyndaverðlaunanna 2025.
Athugasemdir