Sigurður tekinn með 16 kíló af marijúana

Maður að nafni Sigurður Helgi hefur verið dæmdur í fang­elsi af Hér­aðs­dómi Reykja­víkur.

Sigurður var ákærður fyrir stór­fellt fíkni­efna­laga­brot með því að hafa árið 2024 í Reykja­vík, haft í vörslum sínum í sölu- og dreif­ing­ar­skyni, sam­tals 31 kanna­bis­plöntu, sam­tals 5.900 grömm af kanna­bis­laufum og sam­tals 16.150 grömm af marí­húana og fyrir að hafa um nokk­urt skeið fram til þess dags ræktað greindar plöntur.

Samkvæmt efna­skýrslu tækni­deildar var 31 kanna­bis­planta hald­lögð; 13 kanna­bis­plöntur úr öðru tjald­inu, 1,61–135 cm á hæð, og 18 kanna­bis­plöntur úr hinu tjald­inu, 2,30–70 cm á hæð. Þá voru hald­lögð kanna­bis­lauf 5.900 g og mari­júana 16.150 g. Efnin voru „þurrk­aðir skúnkar úr tjaldi 2 í kassa á gólfi“ 2.160 g, „skúnkar í þremur þurrk­grindum úr tjaldi“ 13.845 g og „skúnkar í fötu á eld­hús­eyju“ 145 g. Laufin voru í fötu á eld­hús­eyju 70 g, „malað efni í kvörn á eld­hús­eyju“ 1.145 g og „blaut kanna­bis­lauf í 9 smellulá­s­pokum í frysti“ 4.685 g.

Sigurður ját­aði brot sitt fyrir dómi en taldi ekki að um svo mikið magn væri að ræða og taldi vigt­un­ina hafa verið illa fram­kvæmda. Dómurinn var ósam­mála því.

Sigurður var dæmdur í 18 mán­aða fang­elsi og eru 15 af þeim mán­uðum skil­orðs­bundnir. Er dóm­ur­inn skil­orðs­bund­inn til tveggja ára.