Rukka tvöfalt fyrir ávexti sem hafa verið skolaðir

Mjög mik­ill verð­munur er á hinu svo­kall­aða „íþrótt­anammi“ Lata­bæjar og öðrum ávöxtum og græn­meti í Bónus en Heim­ildin greinir frá þessu.

Í grein blaðs­ins eru tekin nokkur dæmi og eru klem­ent­ínur merktar Latabæ 70 pró­sent dýr­ari en á öðrum stað í búð­inni en eplin 36 pró­sent. Þá eru perur merktar sjón­varps­þátt­unum meira en tvö­falt dýr­ari en venju­legar perur.

Pétur Sig­urðs­son, verk­efna­stjóri hjá Bónus, segir í sam­tali við blaðið að vör­urnar í Lata­bæj­ar­bökk­unum hafi verið skol­aðar og telj­ist varan því unnin og sé því dýr­ari. Þá séu vör­urnar í bökk­unum í hæsta gæða­flokki.

Lat­ar­bæj­arnammi kom í búðir Bónuss og Hagkaups í vor og er ætlað að hvetja krakka til að borða meiri ávexti og græn­meti.

„Það vantar vörur sem stuðla að heil­brigðu matar­æði barna. Latibær fór í sam­bæri­legt átak fyrir 30 árum sem skil­aði sér í 22 pró­senta aukn­ingu í græn­metis- og ávaxta­neyslu barna. Við trúum því að með því að bjóða upp á hollar mat­vörur á áhuga­verðan og skemmti­legan hátt velji börn græn­meti og ávexti oftar,“ sagði Magnús Scheving, eig­andi Lata­bæjar og fyrrum Íþrótta­álfur, um vör­una í vor.