Guðmundur notaði Pokémon sem vörn í réttarsal

Guð­mundur Kristinn Jónsson hefur verið dæmdur af Hér­aðs­dómi Suð­ur­lands fyrir lög­brot.

Hann var ákærður fyrir fíkni­efna­laga­brot með því að hafa, aðfara­nótt laug­ar­dags­ins 30. maí 2020, á þáver­andi heim­ili sínu á Selfossi og í bíl, haft í vörslum sínum og án til­skil­innar heim­ildar eft­ir­far­andi ávana- og fíkni­efni og -lyf ætluð til sölu- og dreif­ingar í ágóða­skyni; sam­tals 1.015,09 g af marí­húana, 155,21 g af amfetamíni, 53,91 g af kóka­íni, 19 stykki af DMT, 1 stykki af Rivotril, 24 stykki af Concerta, 4 pakkn­ingar af Kamagra geli, 1 stykki af Viagra, 3 stykki af Sild­enafil Actavis og 2 stykki af LSD, sem lög­regla fann við leit í hús­næð­inu og bif­reið­inni umrætt sinn og lagði hald á.

Hann var einnig ákærður fyrir pen­inga­þvætti með því að hafa, frá 1. júní 2019 fram til 30. maí 2020 tekið við, nýtt, umbreytt, geymt, afhent og/eða aflað sér ávinn­ings með sölu og dreif­ingu á ótil­teknu magni ávana- 2 og fíkni­efna og -lyfja og/eða, og eftir atvikum með öðrum ólög­mætum og refsi­verðum hætti, sam­tals 9.987.421 krónur, sem ákærði not­aði meðal ann­ars til kaupa á vörum og þjón­ustu og til eigin fram­færslu.

Guð­mundur Kristinn neit­aði sök og útskýrði meðal ann­ars þann pen­ing sem hafði verið lagður inn á reikn­inga í hans nafni með því að hann hafi verið að selja Pokémon-spil. Hann hafi lengi safnað slíkum spilum. Í dómnum er sagt að slíkar skýr­ingar væru frá­leitar.

Hann var á end­anum dæmdur í átta mán­aða fang­elsi en dóm­ur­inn er skil­orðs­bund­inn til tveggja ára. „Enn fremur skal ákærði sæta upp­töku á sam­tals 1.380.783 krónum auk áfallandi vaxta og verð­bóta af fram­an­greindri fjár­hæð frá 30. maí 2020 til greiðslu­dags, nánar til­tekið inn­stæðu að fjár­hæð 1.305.783 krónur á banka­reikn­ingi nr. 133-15-6921 og inn­stæðu að fjár­hæð 75.000 á banka­reikn­ingi nr. 182- 15-200036, “ segir meðal ann­ars í dómnum.