Fíkniefnadjöfullinn hafði áhrif á ökumenn

Lögregla hafði í nógu að snú­ast í gær­kvöldi og í nótt með ýmis útköll tengd umferð­ar­laga­brotum og óreglu í borg­inni. Nokkrir öku­menn voru stöðv­aðir vegna gruns um akstur undir áhrifum áfengis eða fíkni­efna, auk hraðakst­urs og ann­arra brota.

Í hverfum 101, 104 og 110 voru öku­menn stöðv­aðir vegna gruns um akstur undir áhrifum fíkni­efna eða áfengis. Í öllum til­vikum voru blóð­sýni tekin og öku­menn látnir lausir að því loknu, nema í einu til­viki þar sem öku­maður var einnig sviptur öku­rétt­indum. Þá kom í ljós við umferð­ar­eft­ir­lit í hverfi 101 að öku­maður var án gildra öku­rétt­inda og var málið afgreitt með sekt.

Í hverfi 113 var til­kynnt um umferð­ar­slys þar sem engin slys urðu á fólki. Sá sem olli árekstr­inum er grun­aður um ölvun við akstur og var vistaður í fanga­geymslu.

Lögregla stöðv­aði einnig nokkra öku­menn fyrir hraðakstur. Í Kópavogi, Árbæ og í hverfi 113 mæld­ist hraði öku­tækja umfram leyfi­legan hámarks­hraða og voru þau mál afgreidd með sektum.

Að auki var maður í ann­ar­legu ástandi hand­tek­inn í hverfi 101 eftir að hann neit­aði að gefa upp nafn sitt eða heim­il­is­fang. Hann var vistaður í fanga­geymslu.