Rannsaka spilafíkn Íslendinga

Und­an­farna dag hefur stór hópur Íslend­inga fengið boð bréfleiðis um að taka þátt í umfangs­miklu rann­sókn­ar­verk­efni sem vís­inda­fólk við Háskóla Íslands stendur að, ásamt sam­starfs­fólki á Norð­ur­löndum.

Markmið rann­sókn­ar­innar er að greina þátt­töku íbúa Norð­ur­land­anna í ýmiss konar pen­inga­spilum og meta hversu algengur spila­vand­inn er. Rann­sak­endur vona að nið­ur­stöð­urnar muni auka skiln­ing á umfangi og alvar­leika spila­vanda í þessum löndum.

Um 30 þús­und Íslend­ingar hafa fengið boð í pósti um að taka þátt í könn­un­inni, en þátt­tak­endur voru valdir af handa­hófi úr þjóð­skrá.

Ábyrgð­ar­maður rann­sókn­ar­innar á Íslandi er Daníel Þór Ólason, pró­fessor við Sál­fræði­deild Háskóla Íslands. Hann hefur í fjölda ára rann­sakað þátt­töku Íslend­inga í pen­inga­spilum sem og umfang spila­vanda í íslensku sam­fé­lagi

Daníel segir að með rann­sókn­inni sé ætl­unin að kort­leggja betur þátt­töku Norð­ur­landa­búa í pen­inga­spilum og hugs­an­legar nei­kvæðar afleið­ingar hennar á íbúa.

„Rann­sóknin veitir jafn­framt í fyrsta sinn tæki­færi til ítar­legrar grein­ingar og sam­an­burðar á stöðu þess­ara mála milli ein­stakra nor­rænna ríkja. Einnig verður mögu­legt að kanna t.d. hvort sýni­leiki aug­lýs­inga um pen­inga­spil hafi áhrif á spila­hegðun og hvort ákveðnir lýð­fræði­hópar séu útsett­ari fyrir slíkum áhrifum aug­lýs­inga en aðrir,“ segir hann í til­kynn­ingu HÍ um málið.