Bubbi tekur forseta Alþingis og Viðreisn á beinið

Þórunn Svein­bjarn­ar­dóttir, for­seti Alþingis, og Hanna Katrín Frið­riks­son atvinnu­mála­ráð­herra hafa báðar lýst yfir efa­semdum yfir því að útvi­star­fyr­ir­tækið Pata­gonia hafi hvatt fólk til að senda inn umsögn um lagar­eldi á Íslandi.

„Ég er ekki viss um að þetta sé for­dæma­laust, við höfum áður hér á Alþingi fengið umsagnir við laga­frum­vörp erlendis frá,“ sagði Þórunn við RÚV um málið. „Ég er auð­vitað hugsi yfir þessu og skil vel að atvinnu­vega­ráð­herra hafi af þessu áhyggjur,“ hélt hún áfram.

„Við skulum ekki vera svo blá­eyg að halda að erlendir aðilar hafi ekki áhuga á okkur eða reyni ekki að hafa áhrif hér á landi. Og það er okkar hlut­verk, sem erum í stjórn­málum, að sjá við þeim - það má kannski orða það þannig.“

Bubbi vægast sagt ósáttur

Hafa orð Hönnu og Þórunnar farið fyrir brjóst á sumum og er tón­list­ar­mað­ur­inn Bubbi Morthens einn af þeim.

„Ertu ekki að grín­ast?“ spyr Bubbi á sam­fé­lag­miðlum. „Forseti alþingis hefur áhyggjur yfir því að banda­ríska fyr­ir­tækið Pata­gonia varar fólk við frum­varpi Við­reisnar og hvetur fólk til að senda inn athuga­semdir við það. Og hún lætur í veðri vaka að þetta sé alveg gasa­lega skrítið: STÓRFYRIRTÆKI REYNIR AÐ HAFA ÁHRIF. Eigið þið annan, frú for­seti alþingis og atvinnu­mála­ráð­herra?“ spyr tón­list­ar­mað­ur­inn.

„Norðmenn eiga lax­eld­is­fyr­ir­tækin sem eru skráð í erlendri kaup­höll en hún hefur ekki áhyggjur yfir því að millj­arða­fyr­ir­tæki Norð­manna hafi yfir­tekið firði Íslands undir lax­eldi sitt í opnum kvíum. Og með millj­arða­þung orð sín og áhrif inní stjórn­sýsl­una kom­ast þeir upp með sóða­skap sinn og enda­laust tap á rekstr­inum sem Viðreisn virð­ist ætla að bjarga þeim með,“ segir Bubbi.

„Viðreisn er gengin erlendum öflum á hönd en talar um að erlend öfl séu að reyna að hafa áhrif hér á landi. Í hvaða ver­öld lifir for­seti alþingis og ráð­herra Við­reisnar? Náttúra Íslands hefur alltaf þurft að gefa eftir í gegnum árin. Ef við værum að græða á þessu, sem við erum alls ekki að gera, væri mögu­leiki að skilja eitt­hvað í þessu ömur­lega frum­varpi sem virð­ist hafa verið samið með lax­eld­is­mönnum. Ég hvet alla hvar sem er á land­inu öllu: eina leið okkar er að kjósa ekki Viðreisn og beita okkar þunga gegn þessum flokki. Ef ein­hver vill tala um erlend stór­fyr­ir­tæki þá er það Viðreisn sem hefur gengið þeim á hönd,“ skrifar Bubbi að lokum.