Það verður ískalt á landinu í dag og á næstu dögum. Í dag mun frostið ná -19°C þar sem kaldast verður en það er á Hveravöllum ef spá Veðurstofu Íslands gengur eftir.
Norðlæg átt verður ríkjandi í dag, yfirleitt 3–10 m/s vestantil en hvassara austantil, þar sem vindhraði getur náð 13–18 m/s. Gert er ráð fyrir snjókomu eða éljum norðan- og austanlands, en sunnanlands verður að mestu bjart fram eftir degi. Á morgun er útlit fyrir að vindur aukist vestantil og að fari að snjóa sunnanlands síðdegis, með vindhraða 13–20 m/s og hríðarveðri suðvestantil annað kvöld. Frost verður á bilinu 3 til 19 stig, kaldast inn til landsins.
Á miðvikudag er spáð norðlægri átt, 5–13 m/s. Él verða víða norðan- og vestanlands, en snjókoma suðaustanlands. Frost verður á bilinu 0 til 8 stig.
Á fimmtudag er útlit fyrir norðaustanátt, 8–15 m/s norðvestantil, en annars hæga og breytilega átt. Snjókoma eða él verða norðanlands, en annars lítil úrkoma. Frost verður á bilinu 0 til 6 stig. Raufarhöfn fær smá hitabylgju á fimmtudaginn ef svo mætti segja en þar að spáð að hiti geti farið í 2°C.
Athugasemdir