Breskur stórmiðill velur fimm stórkostlegustu fossa Íslands

Breska stór­blaðið The Sunday Times hefur tekið saman fimm íslenska fossa sem blaðið telur meðal þeirra til­komu­mestu sem ferða­menn geta heim­sótt hér á landi. Í umfjöll­un­inni segir að Ísland eigi fáa sína líka þegar kemur að fossum og bent er á að þeir séu taldir vera um 10 þús­und tals­ins.

Kirkju­fells­foss

Kirkju­fells­foss á Snæ­fells­nesi er sagður einn helsti seg­ull svæð­is­ins. Sérstök áhersla er lögð á sam­spil foss­ins og Kirkju­fells í bak­grunni, sem hefur gert stað­inn afar vin­sælan meðal ljós­mynd­ara. Aðgengi að foss­inum þykir jafn­framt gott.

Dynjandi

Dynjandi á Vest­fjörðum fær mikið lof en foss­inn fellur um 100 metra niður í Arn­ar­fjörð. Á göngu­leið­inni að honum er gengið fram hjá sex minni fossum og segir blaðið stærð Dynjanda og umhverfið gera heim­sókn­ina sér­stak­lega eft­ir­minni­lega.

Selja­lands­foss

Selja­lands­foss kemst á list­ann ekki síst vegna þess að hægt er að ganga á bak við foss­inn. Blaðið bendir á að foss­inn sé auð­veld­lega aðgengi­legur frá þjóð­vegi 1 en gestir verði þó að gera ráð fyrir að blotna.

Svarti­foss

Svarti­foss í Vatna­jök­uls­þjóð­garði vekur sér­staka athygli vegna dökkra stuðla­bergs­myndana sem umlykja foss­inn. Fossinn fellur um 20 metra og líkir blaðið stuðl­unum við pípur í risa­vöxnu kirkju­org­eli.

Gufufoss

Gufufoss við Seyð­is­fjörð er loks sagður sér­stak­lega heill­andi. Hann fellur um 27 metra og vekur úðinn frá foss­inum athygli, ekki síst þegar sól­ar­ljósið myndar regn­boga yfir svæð­inu.