Björgunarbúnaður og bætt öryggi til skoðunar við Stuðlagil

Skoða á mögu­leika á að koma upp ein­földum björg­un­ar­bún­aði við Stuðla­gil í kjöl­far banaslyss þar í lok ágúst. Einnig þarf að bæta fjar­skipti, efla við­bragðs­getu og tryggja að ferða­menn haldi sig frá hættu­leg­ustu svæð­unum.

Þetta kemur fram eftir fund Ferða­mála­stofu með hag­að­ilum í kjöl­far þess að erlendur ferða­maður féll í ána og drukkn­aði en Aust­ur­frétt sagði frá nið­ur­stöðum fund­ar­ins.

Meðal þess sem til stendur að skoða er upp­setn­ing kast­lína og björg­un­ar­hringja sem gestir eða starfs­fólk í nágrenn­inu gætu nýtt sér þegar slys verða. Slíkur bún­aður hentar ekki við allar aðstæður en gæti komið að gagni í ákveðnum til­vikum.

Fjarskipti og viðbrögð í brennidepli

Stuðla­gil er fjarri þétt­býli og því getur tekið tíma fyrir björg­un­ar­að­ila að kom­ast á vett­vang. Því er mik­il­vægt að efla við­bragðs­getu á svæð­inu, skýra verka­skipt­ingu og tryggja að land­eig­endur og rekstr­ar­að­ilar fái upp­lýs­ingar þegar slys verða.

Einnig þarf að bregð­ast við vanda­málum með Tetra-fjar­skipta­kerfið, en trufl­anir komu upp í aðgerðum í ágúst þrátt fyrir að fjar­skipti hefðu verið bætt eftir banaslys árið 2024.

Eft­ir­lits­mynda­vélar eru einnig til skoð­unar. Þær gætu auð­veldað rann­sókn slysa og hjálpað við að stað­setja fólk sem fellur í ána, en slíkur bún­aður krefst áreið­an­legs raf­magns og fjar­skipta.

Ferðamönnum beint frá hættusvæðum

Ekki er talið raun­hæft að loka Stuðla­gili alveg. Þess í stað verður horft til þess að stýra umferð gesta með girð­ingum, böndum, hliðum og örugg­ari göngu­leiðum.

Einnig á að end­ur­skoða örygg­is­merk­ingar og gera þær ein­fald­ari og mynd­rænni svo gestir átti sig betur á hætt­unum.

Nið­ur­staðan er sú að tryggja þurfi öryggi við Stuðla­gil með sam­stilltum aðgerðum, meðal ann­ars með bættum innviðum, skýr­ari upp­lýs­inga­gjöf og öfl­ugri við­bragðs­getu.