Finnskt bjálkahús til sölu á frábærum stað

Við Engjaveg í Mos­fellsbæ stendur ein­stak­lega fal­legt og vel stað­sett 183,9 fer­metra ein­býl­is­hús á tveimur hæðum með sér­stæðum bíl­skúr. Húsið, sem reist var árið 2016, er finnskt, ein­angrað bjálka­hús og stendur á 1.534 fer­metra eign­ar­lóð sem jafn­framt er jað­ar­lóð til aust­urs.

Eignin hefur vakið athygli fyrir vand­aðan frá­gang og góða nýt­ingu rýmis. Rúmgóður, flísa­lagður bíl­skúr með ris­lofti fylgir hús­inu, búinn heitu og köldu vatni og hurð með raf­magnsopnun.

Lóðin er stór og vel skipu­lögð með ver­öndum í suður-, austur- og norð­aust­urátt. Á henni má finna geymslu­kúr, leik­tæki og heitan pott með snjall­stýr­ingu í gegnum app. Þá fylgir fjar­stýrður sláttu­þjarkur og eru öll úti­ljós með sól­ar­sellum. Húsið er búið varma­skipti fyrir neyslu­vatn þar sem kalt vatn er hitað upp í heitt neyslu­vatn, sem stuðlar að auk­inni orku­nýt­ingu.

Stað­setn­ingin þykir ein­stök á frið­sælum stað þar sem sveita­sæla og borg­ar­líf mæt­ast. Leik­skól­inn Leik­skól­inn Reykja­kot er í göngu­færi og þaðan ganga bæði skóla­bíll og strætó í grunn­skóla bæj­ar­ins. Öll helsta þjón­usta höf­uð­borg­ar­svæð­is­ins er innan seil­ingar.

Kaupverð eign­ar­innar er 165 millj­ónir króna.