Bílstjórar ákváðu að aka í Breiðholti á máta sem lögreglu var ekki sama um

Lögregla sinnti fjöl­breyttum útköllum á höf­uð­borg­ar­svæð­inu í gær­kvöldi og í nótt, þar sem nokkur mál tengd­ust akstri undir áhrifum, eigna­spjöllum og almennu öryggi.

Í mið­borg­inni var til­kynnt um mann í ann­ar­legu ástandi. Við afskipti lög­reglu kom í ljós að hann var eft­ir­lýstur í kerfum lög­reglu. Var hann því hand­tek­inn og vistaður í fanga­klefa.

Í Breið­holti voru tveir öku­menn hand­teknir grun­aðir um akstur undir áhrifum áfengis og fíkni­efna. Í báðum til­vikum reynd­ust við­kom­andi einnig vera með fíkni­efni í fórum sínum, og í öðru til­vik­inu var öku­maður jafn­framt sviptur öku­rétt­indum. Menn­irnir voru færðir á lög­reglu­stöð til hefð­bund­innar með­ferðar mála.

Þá var til­kynnt um eigna­spjöll á hót­eli í mið­borg­inni, þar sem aðili hafði brotið rúðu eftir að hafa fengið neitun um starf. Maðurinn hafði áður komið við sögu lög­reglu og var hann hand­tek­inn og vistaður í fanga­klefa.

Í Hafn­ar­firði var til­kynnt um þjófnað í verslun. Ger­and­inn var enn á staðnum þegar lög­regla kom og var málið afgreitt með vett­vangs­skýrslu.

Tilkynnt var um eld í tveimur öku­tækjum í Kópavogi sem breidd­ist áfram í yfir­bygg­ingu. Um tals­vert tjón var að ræða og er málið nú til rann­sóknar hjá lög­reglu.

Einnig var til­kynnt um umferð­ar­slys þar sem bif­reið var ekið út af veg­inum og varð óöku­fær. Ökumaður var hand­tek­inn á vett­vangi, grun­aður um akstur undir áhrifum áfengis, og vistaður í fanga­klefa.