Mikil spenna ríkir nú innan Morgunblaðsins um það hver verði ritstjóri fjölmiðilsins í stað Davíðs Oddssonar heitins. Í DV hefur verið leiddum getum að því að Áslaug Arna Sigurbjörnsdóttir, alþingismaður Sjálfstæðisflokksins, muni fá starfið í skjóli föður síns Sigurbjörns Magnússonar, stjórnarformanns útgáfunnar. Tvíeykið Andrés Magnússon og Stefán E. Stefánsson hafa lengi farið sínu fram á Mogganum og verið ráðandi í skrifum og umfjöllun sem sumpart hefur verið á mörkum hins siðlega.
Hermt er að þeir sperri stöðugt skrautfjaðrir sínar fyrir Einar Sigurðsson, stjórnarformann Ísfélagsins og son Guðbjargar Matthíasdóttur, aðaleiganda Moggans. Einar hefur komist í álnir fyrir að vera sonur móður sinnar. Andrés og Stefán dvelja gjarnan við fótskör hans og hafa meira að segja vitnað til orða Einars í Mogganum þar sem hann tjáir sig með undarlegum hætti um aðild að Evrópusambandinu. Þetta mun vera í fyrsta sinn sem fjölmiðill hefur áhuga á sjónarmiðum Einars úr Eyjum.
Talið er að ef Einar fái að ráða fái annar þeirra tveggja þessa vegtyllu. Slík ráðning myndi að líkindum sökkva Mogganum enn dýpra í fen öfga og óráðssíu. Guðbjörg og félagar hennar í stjórninni munu vera hikandi við að setja kumpánana tvo á hærri stall en orðið er ...
Athugasemdir