Sigrún Elíasdóttir fagnaði útgáfu nýrrar bókar eftir „Urðarlegan“ dag

Sigrún Elí­as­dóttir, rit­höf­undur og umsjón­ar­kona hlað­varps­ins Myrka Ísland, hélt í gær útgáfu­hóf í til­efni af útgáfu ann­arrar bókar sinnar um per­són­una Urði hjá Storytel.

Í Facebook-færslu lýsir Sigrún deg­inum sem „mið­aldra ung­lings­á­standi“ og segir ýmis­legt hafa gengið á áður en hófið hófst.

Hún segir nýju bók­ina fjalla áfram um „hina bál­reiðu en brot­hættu Urði“ sem sé enn að leita að róm­an­tík­inni á meðan hún reyni að halda öllum boltum lífs­ins á lofti.

Sjálf seg­ist Sigrún hafa upp­lifað eigin „Urð­ar­legan dag“ þegar hún klúðr­aði tveimur kökum með því að baka þær of lengi og varð svo sein fyrir eftir að láns­bíll for­eldra hennar fór að gefa frá sér und­ar­leg hljóð í akstri. Segir hún frá því að hún hafi þurft að skipta um bíl í Borg­ar­nes, flytja veit­ingar milli bíla og hlaupa á milli verk­efna áður en hún náði loks í drykki sem hún hafði gleymt að kaupa deg­inum áður.

„Sjálf átti ég dálít­inn Urð­ar­legan dag í gær; hafði náð að klúðra tveimur köku­teg­undum með því að baka allt of lengi og fannst ég því vera frekar fátæk af veit­ingum fyrir hófið, þrátt fyrir aðstoð Costco í þeim málum. Engum að óvörum lagði ég of seint af stað, var orðin sveitt áður en ég upp­götv­aði að láns­bíll for­eldra minna sem ég var á, gaf frá sér tor­kenni­legt bank við akstur yfir 80km. Sem varð til þess að ég kreisti bíllyklana út úr hinum vinn­andi ung­lings­manni, tók af honum minn eigin bíl í Borg­ar­nesi, sel­flutti veit­ing­arnar og fleira drasl á milli og var því orðin enn seinni og sveitt­ari en ég ætl­aði mér. Átti svo eftir að kaupa kalda drykki í búð í Reykja­vík, sem ég hafði gleymt dag­inn áður.“

Þrátt fyrir allt hafi útgáfu­hófið tek­ist vel með hjálp vin­kvenna hennar sem komu með veit­ingar og aðstoð­uðu við und­ir­bún­ing­inn.

„Við Urður teljum maka óþarfa á meðan við erum svona ríkar af frá­bærum vinum,“ skrifar Sigrún meðal ann­ars og bætir við að hún nenni ekki lengur að deita.

Hún þakkar einnig hlust­endum, vinum og sam­starfs­fólki hjá Storytel fyrir stuðn­ing­inn, auk Birnu Pét­urs­dóttur sem les bók­ina upp.

„Bókin er ein­hvern veg­inn miklu fyndn­ari úr þínum munni en í höfð­inu á mér,“ skrifar hún að lokum.