Eitt fallegasta hús borgarinnar bíður bjargvættar

Einstakt ein­býl­is­hús við Grjóta­sel 19 í Selja­hverfi hefur verið sett á sölu. Um er að ræða 251,6 fer­metra hús á þremur hæðum sem teiknað var af arki­tekt­inum Jes Einar Þor­steins­syni og reist árið 1978. Ásett verð eign­ar­innar er 112 millj­ónir króna og hefur séð betri daga.

Húsið stendur á frið­sælum stað í grónu umhverfi þar sem stór tré umlykja lóð­ina á öllum hliðum. Bygg­ingin ber skýr ein­kenni þeirra verka sem Jes Einar er þekktur fyrir og ein­kenn­ist af list­rænu skipu­lagi og óhefð­bundnum lausnum.

Húsið skipt­ist á þrjár hæðir. Gengið er inn á mið­hæð, sem nefnd er götu­hæð. Þar fyrir neðan er garð­hæð með teng­ingu við úti­svæði eign­ar­innar og efst er þak­hæð. Skipulag húss­ins er sagt bæði skemmti­legt og sér­stakt, með áherslu á rými, birtu og teng­ingu við nátt­úr­una í kring.

Selja­hverfið hefur um ára­bil verið vin­sælt íbúða­hverfi fyrir fjöl­skyldur, meðal ann­ars vegna nálægðar við úti­vist­ar­svæði, skóla og þjón­ustu. Stað­setn­ing húss­ins við Grjóta­sel nýtur auk þess mik­illar rósemi þar sem gróður og trjá­gróður skapa skjól og einka­líf.

Samkvæmt sölu­gögnum er um dán­arbú að ræða.