Þungunarpróf Höllu

Halla Gunn­ars­dóttir, for­maður VR, þykir vera um margt klókur leið­togi. Hún hefur staðið í hörðum og sig­ur­sælum slag um áhrif og athygli við val­kyrj­una Sólveigu Önnu Jóns­dóttur, for­mann Eflingar, sem keppti við hana um vara­for­seta­emb­ættið hjá Alþýðu­sam­bandi Íslands og laut í gras. Sólveig Anna grætur sáran þá jákvæðu athygli sem Halla fær og hefur ítrekað farið fram á að fjöl­miðlar ræði jafn mikið við sig og for­mann VR. 

Halla á sér leynd­ar­mál sem snýst um þung­un­ar­próf norður í Árnes­hreppi á Ströndum. Þannig var mál með vexti fyrir nokkrum árum að þrjú þung­un­ar­próf komu í Kaup­fé­lagið í Norð­ur­firði. Þótti þetta benda til þess að ein­hver í hér­að­inu væri í barn­eign­ar­hug­leið­ingum. Íbúar fylgd­ust grannt með hill­unni þar sem þung­un­ar­prófin voru til að sjá hvort hinn grun­aði hefði gefið sig fram. Halla var á þessum tíma ferða­maður í hreppnum og heyrði af ráð­gát­unni. Hún var þunguð af sínu fyrsta barni en ákvað að bregða á blekk­ing­ar­leik og laum­að­ist til að kaupa eitt af þremur þung­un­ar­próf­unum. Vart var um annað rætt í hreppnum eftir það og vonir manna fóru vax­andi um að fjölg­unar væri að vænta og hugs­an­lega ætti ein af þremur konum á barn­eigna­aldri í hreppnum von á sér. En háólétt Halla hló alla leið til Reykja­víkur með þung­un­ar­próf í far­angrinum ...