Eins og allir vita var Guðrún Hafsteinsdóttir kjörin formaður Sjálfstæðisflokksins í gær en litlu mátti muna að Áslaug Arna Sigurbjörnsdóttir yrði fyrir valinu því aðeins munaði 19 atkvæðum á milli þeirra. Óhætt er að segja að flokkurinn sé klofinn um framtíðarstefnu þrátt fyrir raus Áslaugar og Guðrúnar um annað.

Áslaug Arna er sögð vera gífurlega svekkt enda hefur hún stefnt að formennsku í flokknum síðan hún var kjörin formaður Heimdalls, félagi ungra Sjálfstæðismanna í Reykjavík, árið 2011. En nú hefur flokkurinn hafnað henni en það kemur dagur eftir þennan dag.

Hugur Sigmundar Davíðs Gunnlaugssonar, formanns Miðflokksins, er eflaust hjá Áslaugu því enginn hefði meira að grætt á sigri hennar en Miðflokkurinn. Með sigri hennar hefði flokkurinn sennilega sogað til sín mörg hundruð ef ekki þúsundir atkvæða Sjálfstæðismanna sem myndu aldrei kjósa flokkinn undir stjórn hennar. Allar kannanir hafa sýnt að eldri Sjálfstæðismenn hafa lítinn áhuga á formennsku hennar.

En kjör Guðrúnar gæti nefnilega komið sér illa fyrir Miðflokkinn og tælt kjósendur hans til baka í skjól undir vængjum fálkans og slíkt yrði áfall fyrir Sigmund Davíð …