Tónlistarmaður hefur verið sýknaður í Héraðsdómi Reykjavíkur fyrir hótun sem hann sendi á Facebook.

Maðurinn var ákærður fyrir að hafa sett in færslu á Facebook með skilaboðunum „A: þú ert tekinn af lífi.En fyrst vil ég SJÁ ÞIG PYNTAÐAN djöfulsins feita piggið þitt! Þú ert dauður!“ en samkvæmt dómnum eru mennirnir báðir tónlistarmenn. Athugasemdin var skrifuð sumarið 2024.

Í dómnum segir að brotaþoli hafi ekkert sérstaklega óttast að sá ákærði myndi standa við orð sín og sagðist ákærði að hann myndi ekki fylgja hótunum sínum eftir. Ummælin hafi verið sett fram í bræði eftir að brotaþoli hafði skrifað niðrandi ummæli um sig á Facebook.

Var því ákveðið að sýkna í málinu.