Eignin Klyfjasel 20 er komin á sölu. Um er að ræða vel staðsett og rúmgott einbýlishús á þremur hæðum í Breiðholti, ásamt öllu því sem eigninni fylgir, þar með talið tilheyrandi lóð og sameignarréttindi.
Samkvæmt Fasteignamati ríkisins er húsið skráð 244,2 fermetrar. Um er að ræða fjölskylduvæna eign sem stendur efst við rólegan botlanga í grónu hverfi í Reykjavík. Fyrir aftan húsið tekur við stórt opið svæði og falleg náttúra sem skapar einstaka nálægð við útivist og friðsælt umhverfi.
Innanhúss býður húsið upp á gott skipulag á þremur hæðum með rúmgóðum rýmum sem henta vel fyrir stærri fjölskyldur. Að auki hefur verið útbúin snyrtileg íbúðaraðstaða með sérinngangi. Sú aðstaða er utan skráðrar fermetratölu og er því raunstærð eignarinnar nær 270 fermetrum.
Á lóðinni er möguleiki á að byggja aukabyggingu, sem opnar á frekari nýtingarmöguleika fyrir framtíðareigendur, hvort sem horft er til stækkunar, útleigu eða annarrar starfsemi innan heimilis.
Eigendurnir vilja fá 159.800.000 fyrir húsið.
