Íslendingar munu þurfa að klæða sig í þykkar úlpur í næstu viku ef veðurspá Veðurstofu Íslands rætist.

Á miðvikudag og fimmtudag í næstu viku mun heldur betur frysta. Seint á miðvikudeginum er talið að hitastigið verði -7°C í Reykjavík og á fimmtudagsmorgun er mögulegt að það fari í -9°C. Það er þó talsvert hlýrra en verður á öðrum stöðum á landinu.

Á Akureyri er spáð því að hitinn verði -14°C seint á fimmtudagskvöld og sömu sögu er að segja af Egilsstöðum.

Mögulegt er að -20°C verði á ákveðnum stöðum á hálendinu.