Diljá Pétursdóttir skemmtir sér í sólinni í góðra vina hópi á Ibiza þessa dagana en birti hún sannanir fyrir því á Instagram síðustu daga.

Nú er komið vor á Íslandi og sífellt fleiri Íslendingar þyrpast í sólarlandarferðir og eru duglegir að birta montmyndir úr sólinni og þeir allra kræfustu senda vinum sínum og ættingjum sólarmyndir í einkaskilaboðum, svo það fari nú ekki framhjá neinum.

Söngkonan hrausta, Diljá Pétursdóttir nýtur nú lífsins á Ibiza á Spáni þessa dagana ásamt kærasta sínum, Ró­berti Andra Drzym­kowski og vinum þeirra. Birti hún þó nokkrar ljósmyndir og myndskeið úr heitri Spánarsólinni, fylgjendum sínum til mikillar gleði.

Við eina myndina skrifaði Róbert Andri: „Kátu krakkarnir in Ibiza“.