Páll Halldór Jónsson lést 23. mars síðastliðinn. Hann fæddist 28. maí 1939 í Höfða í Glerárþorpi á Akureyri. Akureyri.net sagði frá andlátinu.
Foreldrar hans voru Jón Andrésson (f. 1899, d. 1982) og Sigríður Róbertsdóttir (f. 1906, d. 1982). Eldri bróðir hans er Herbert Bárður Jónsson, fæddur 13. desember 1936.
Páll kvæntist Kristínu Sveinsdóttur, fæddri 6. maí 1947 á Vopnafirði, þann 15. júlí 1966. Þau eignuðust tvö börn. Það eru þau Sveinn Torfi, fæddur 4. janúar 1967, en hann er kvæntur Brynhildi Smáradóttur (f. 26. nóvember 1974) og eiga þau börnin Kristínu (f. 2001) og Viktor Smára (f. 2006). Sigríður Jóna, fædd 21. júní 1970, á dótturina Örnu Dögg Arnarsdóttur (f. 1996), sem býr með Kristni Ingólfssyni (f. 1996). Börn þeirra eru Birta Marý (f. 2023) og Gísli Maron (f. 2025).
Páll hóf skólagöngu sína í barnaskóla í Glerárþorpi og lauk síðar námi við Gagnfræðaskóla Akureyrar. Hann starfaði lengst af sem skrifstofumaður, meðal annars hjá Útgerðarfélagi Akureyringa, en lauk starfsævi sinni hjá Hafnasamlagi Norðurlands.
Hann var mikill stuðningsmaður Þórs og lék knattspyrnu með félaginu og Íþróttabandalagi Akureyrar (ÍBA). Þá náði hann góðum árangri í bridds og tók virkan þátt í félagsstörfum, meðal annars innan Félags verslunar- og skrifstofufólks á Akureyri og Framsóknarfélags Akureyrar.
Útför Páls fór fram frá Glerárkirkju í dag, þriðjudaginn 31. mars klukkan 10.00.
