Karlmaður hefur verið dæmdur í fangelsi fyrir brot í nánu sambandi en Héraðsdómur Reykjavíkur tók málið fyrir.
Maðurinn var ákærður fyrir brot í nánu sambandi með því að hafa á alvarlegan hátt ógnað lífi, heilsu og velferð fyrrverandi sambýliskonu sinnar. Hann gerði það með því að senda henni mörg ógnandi texta- og hljóðskilaboð.
Textaskilaboð
„Ég er að hóta þér. Þú munt ekki yfirgefa mig. Bara dauð eða dauður, ég.“
„Ég drep þig […], ég drep þig […], ég drep þig.“
„Ég er að hóta þér, A, fjölskyldu þinni og öllum. Þú munt ekki yfirgefa mig svona, nei.“
Hljóðskilaboð
„Þú munt sjá, sjáðu, ef ég ekki ríf þig í tvennt, opna ég magann á þér, tek magann þinn út. Spýttu framan í mig, bíddu bíddu svo þú sjáir endalok þín, og sjáir hvernig ég ætla að gera það.“
„Ég næ í fjölskyldu þína lifandi eða dauða.“
„Þú færðir mig hingað aftur, ég ætla að drepa þig tík.“
„Ef þú ert alvöru, komdu út og segðu það við andlitið á mér tík, [...] Komdu út tík, komdu út, helvítis tík. Mamma þín er tík. Þú ert tík eins og hún. Ég ætla ekki að gefast upp. Nú er stríðið hafið. Nú ætla ég að segja þér aðeins, nú ætla ég að tala um móðurina sem fæddi þig. Ef ég lem þig ekki, ef ég brýt ekki hausinn á þér. Ég brýt hausinn þinn þegar ég sé partana úr afa þínum. [...] Af hverju kemurðu ekki út, tík ? Hóra! Það var gaur sem reið systur þinni. Fjórir gaurar sem riðu mömmu þinni. [...]Sjáðu, ég ætla að grafa upp afa þinn. Heyrðu. Þú munt hringja grátandi eftir að ég geri það, þú ert að neyða mig núna. Ég lofa þér, áður en þetta klárast, ætla ég að stinga þig og fara í fangelsi. [...] Ég ætla að stinga þig.”
Maðurinn játaði sök en hafnaði bótakröfu sem var tvær og hálf milljón króna.
Hann var á endanum dæmdur 90 daga fangelsi en dómurinn er skilorðsbundinn til tveggja ára. Þá þarf hann að greiða fórnarlambi sínu 400 þúsund krónur.
Komment