Lögregla hafði í nógu að snúast á höfuðborgarsvæðinu á tímabilinu frá klukkan 17:00 til 05:00, samkvæmt dagbók embættisins.

Tveir einstaklingar voru handteknir grunaðir um akstur undir áhrifum áfengis og fíkniefna. Að lokinni sýnatöku og hefðbundnum aðgerðum lögreglu voru báðir látnir lausir. Þá var annar ökumaður stöðvaður síðar um kvöldið, einnig grunaður um akstur undir áhrifum fíkniefna. Sá var sömuleiðis látinn laus að sýnatöku lokinni.

Lögregla var einnig kölluð til vegna þjófnaðar í tveimur verslunum, en ekki liggja fyrir frekari upplýsingar um umfang eða niðurstöðu þeirra mála að svo stöddu.

Þegar þetta er ritað gista tveir einstaklingar í fangageymslum lögreglu