Í dagbók lögreglu frá því í gærkvöldi og í nótt er sagt frá því að tilkynnt hafi verið um yfirstandandi innbrot í verslun. Einn aðili handtekinn á vettvangi en hann var í annarlegu ástandi.

Þá var einnig tilkynnt um bílveltu og kom fram í tilkynningu að einn hefði verið í bifreiðinni. Ekki er vitað um meiðsli þegar þetta er ritað.

Tveir einstaklingar handteknir eftir að tilkynning um þjófnað barst til lögreglu. Málið er í rannsókn hjá lögreglu.

Ökumaður var stöðvaður í akstri grunaður um akstur undir áhrifum áfengis og sviptur ökuréttindum.

Tilkynnt var um umferðarslys þar sem tvær bifreiðar höfðu lent saman. Betur fór en á horfðist og hvorugur ökumaður slasaðist.