Förðunarfræðingurinn Emilíanna Valdimarsdóttir hefur ákveðið að selja íbúð sína í Laugardalnum. Henni hefur tekist að byggja upp gott orðspor í förðunarbransanum á stuttum tíma en hún hefur starfað hjá Þjóðleikhúsinu við slíkt síðan 2022.

Íbúð Emilíönnu er á áttundu hæð á Kleppsvegi en það er einnig hæsta hæð hússins. Útsýnið er ótrúlegt en sést yfir nánast allan austurhluta Reykjavíkur og Bláfjöll.

Eignin er skráð samkvæmt þjóðskrá Íslands 54,8 fermetrar og hefur ytra byrði hússins verið endurnýjað nýlega. Í kjallara er svo sér geymsla íbúðar, sameiginlegt þvottahús og hjólageymsla.

Emilíanna vill fá 52.900.000 krónur fyrir íbúðina.