Tilkynnt var um eld í Reykjavík en greint er frá því í dagbók lögreglu frá því í gærkvöldi og í nótt. Viðbragðsaðilar fóru á vettvang og kom í ljós að um eld í potti á eldavél var að ræða. Engar skemmdir urðu og málið telst upplýst á vettvangi.

Í miðbænum var maður handtekinn vegna gruns um sölu á fíkniefnum. Hann var vistaður í fangageymslu í þágu rannsóknar málsins.

Þá var ökumaður stöðvaður í Reykjavík vegna gruns um akstur undir áhrifum fíkniefna. Hann var látinn laus að lokinni blóðsýnatöku.

Í Kópavogi var ökumaður stöðvaður fyrir að nota farsíma við akstur án handfrjáls búnaðar. Málið var afgreitt með sekt.

Tilkynnt var um þjófnað úr verslunum í Kópavogi. Málið var afgreitt á vettvangi.

Einnig var tilkynnt um umferðarslys í Kópavogi þar sem bifreið var ekið á staur. Einn maður var fluttur með sjúkrabifreið á bráðamóttöku til frekari skoðunar.

Loks var ökumaður stöðvaður í Árbæ og kom í ljós við athugun að hann hafði ekki gild ökuréttindi. Málið var afgreitt með sekt.