Freyr Gígja Gunnarsson hefur verið ráðinn upplýsingafulltrúi dómsmálaráðuneytisins til eins árs en þetta kemur fram í tilkynningu stjórnvalda.

Hann mun hefja störf 13. apríl nk.

Freyr Gígja hefur rúmlega tveggja áratuga reynslu úr fjölmiðlum. Fyrst sem blaðamaður á Fréttablaðinu en síðan sem fréttamaður á RÚV frá árinu 2012. Síðustu ár hefur hann verið einn af umsjónarmönnum Spegilsins. Hann er með B.A. próf í almennri trúabragðafræði frá guðfræðideild Háskóla Íslands.