Óhugnaleg og ofsafengin þróun hefur átt sér stað í dýraeftirliti MAST síðustu misseri með miklum látum en engri lögfræði.
Engin virðing er borin réttindum eigenda dýra skv. lögum um velferð dýra með þeim afleiðingum að t.d. hundeigendur eru vörslusviptir dýrum sínum án þess að nokkur lagarök standi til þess. Þá er dæmi um hestaleigu sem svipt hefur verið starfsleyfi þó öll rekstrarskilyrði að lögum séu uppfyllt. Mál sem hefur verið í afgreiðslu kæruferils í heilt ár í atvinnuvegaráðuneytinu með tilheyrandi fjárhagstjóni og miska fyrir eiganda. Engin niðurstaða fæst þrátt fyrir þrýsting rekstaraðila
Miklu miklu miklu fleiri dæmi eru um aðgang hörku MAST við dýraeigendur og stofnunin virðist engu skeyta að fara að lögum
Atvinnuvegaráðherra virðist hafa áttað sig á þessari ómynd í stjórnsýslu í höfuðstöðvum MAST á Selfossi og ætlar að leggja stofnunina niður 1. jan. 2027. Forstjórinn, sem stýrt hefur þessu stríði við dýraeigendur missir vinnu sína.
Brýnt er samt að dýraeftirlitið verði tekið tafarlaust frá MAST og því komið til ábyrgra aðila. Þessar aðfarir verður að stoppa enda illskiljanlegt hvað MAST gengur til. Það skýrist að minnsta kosti ekki að lögum.
Ekki einungis veldur þetta dýraeigendum gríðarlegu andlegu tjóni heldur kemur þetta niður á dýrum eigenda og getur með réttu skilgreinst sem dýraníð. Dýraníð af hálfu eftirlits MAST er staðreynd. Engin veit hvað verður um þessi dýr sem sagt er að sé ráðstafað á ný heimili í gegnum dyrahjalp.is. Það stenst varla skoðun því gríðarlega erfitt getur verið að finna ný heimili fyrir t.d. hunda.
Af þessu tilefni hefur verið stofnaður undirskriftarlisti á island.is sem verður virkur frá og með þriðjudeginum 7. apríl. Hann ber heitið Burt með dýraeftirlit MAST - Vörslu- og leyfissviptir gegn MAST
Samhliða því hefur verið stofnuð facebook síða sem ber heitið Sögur um yfirgengni MAST
Mjög mikilvægt er að dýraeigendur og jafnvel rekstraraðilar sem eiga allt sitt undir búfé þjappi sér saman og þrýsti á stjórnvöld að koma aga á dýraeftirlit á Íslandi
