Friðgeir Sveinsson hefur verið dæmdur fyrir hatursorðræðu en dómur þess efnis var birtur í dag. Málið var tekið fyrir í Héraðsdómi Reykjavíkur.
Hann var ákærður fyrir fjögur ummæli og varða þau öll hinsegin fólk eða Samtökin '78. Ummælin lét hann falla á samfélagsmiðlinum Facebook árið 2023.
Ummælin fjögur
„Ég ætla bara að segja það upphátt!! Þetta er fyrrverandi fræðslustjóri Samtakanna78.. Og þetta er “KARLMAÐUR” Samtökin78 eru í mínum huga ekkert annað í dag en hagsmunasamtök barnaníðinga og annara perverta sem eru að leita að auðveldum fórnarlömbum.. Og svo má ég alls ekki ræða það af því að þá er ég víst “Trans-fóbískur”… Ég er ekkert hræddur við kynferðislega brenglað fólk.. Og ég vill ekki sjá þessa perverta í umgengni við börn.. Og alls ekki að þetta brenglaðra fólk stundi einhverskonar “Kynfræðslu” í skólum.. Þar sem börn þurfa, og verða að sitja undir þessum perverta áróðri er ekki í lagi.. Í raun alger skandall að umburðarlindi með geðsjúkdómum leiði til þess að kynferðislega stórbrengluðu fólki sé bókstaflega hleypt að börnum… Væntanlega til að skoða hvað er í boði…Finna hentug fórnarlömb.. þetta er sturlun.. Alger sturlun… Og Nei, ég mun ekki biðjast afsökunar á því að benda á hið augljósa.“
„Og það þarf líka að fara stoppa þetta hérlendis.. Samtökin 78 hafa að mínu mati verið stórhættuleg börnum síðan að Trans Geðsjúklingarnir tóku þau yfir. Samtökin 78 hafa sett ofuráherslu á að ná til barna… Og ég endurtek her með þá 2 skoðun mína að hegðun og áherslur Samtakanna 78 er að mínu mati ekkert annað en hegðun barnaníðinga á veiðum.“
„Það er blákalt mat mitt að hegðun samtakanna 78 er ekkert annað en barnanýð. Þetta er að mínu mati bæði geðveikt og kynferðislega brenglað fólk sem hefur með orgi, ofsóknum og yfirgangi hrætt þetta auma lið hjá Reykjavíkurborg og Menntastofnun til að gefa eftir.. Það eru pervertar að fara inní kennslustofur að innræta börn á mótunaraldri með lygum og pervertisma… Væntanlega til að geta byrjað að misnota þessi börn sem fyrst.. Má segja að þessi kynferðislega brengluðu geðsjúklingar séu að undirbúa veisluborð framtíðarinnar… Það eru bara til tvö kyn.. Restin er alger geðveiki og þessi geðveiki er komin markvisst inní grunnskóla ungra barna.. Það á að kalla hlutina réttum nöfnum!!“
„Sem betur fer eru einstaklingar að þora að standa í lappirnar gegn þessari geðsturluðu þróun sem Trans Activistar eru að troða uppá börn. – Ég ítreka hér þá skoðun mína að Samtökin 78 séu ekkert annað en Hagsmunafélög Barnaníðinga á veiðum.. Og það á að halda slíku fólki frá börnum.. Það á ekki að hleypa pervertum í greddukasti inní kennslustofur að skoða börn til að innræta með geðveiki..“
Friðgeir kannaðist við að hafa skrifað þessi ummæli en neitaði sök í málinu. Hann kvaðst þó hafa gengið langt í sínum ummælum. Hann var hins vegar ósammála því að í að umrædd ummæli feli í sér hatursorðræðu og kveðst telja að þau rúmist innan stjórnarskrárvarins tjáningarfrelsis hans.
Þessu var Héraðsdómur Reykjavíkur ósammála. „Voru ummælin í senn alvarleg, gróflega meiðandi og fordómafull og fór ákærði með þeim út fyrir mörk þess tjáningarfrelsis sem verndað er af stjórnarskrá og mannréttindasáttmála Evrópu,“ segir í dómnum um öll ummæli Friðgeirs.
Þarf hann að greiða 200 þúsund krónur til ríkissjóðs á næstu fjórum vikum eða fara 14 daga í fangelsi. Þá þarf hann einnig að greiða lögmanni sínum 1.100.000 krónur.
Komment