Anna Rakel Pétursdóttir, leikmaður Vals og íslenska landsliðsins í knattspyrnu, á von á sínu fyrsta barni.

Hún greindi frá óléttunni á Instagram í síðustu viku.

Anna Rakel er vinstri bakvörður og er fædd árið 1998. Hún er alin upp hjá KA og varð Íslandsmeistari með Þór/KA áður en hún hélt út í atvinnumennsku. Þar lék hún í Svíþjóð með Linköping árið 2019 og Uppsala árið 2020, áður en hún gekk til liðs við Val á Hlíðarenda og leikur hún ennþá með liðinu í dag.

Hún hefur leikið sjö A-landsleiki og 24 leiki fyrir yngri landslið Íslands.