Hinn 24. október 2025 auglýsti dómsmálaráðuneytið í Lögbirtingablaði tvö embætti dómara við Landsrétt laus til umsóknar.

Annars vegar er um að ræða skipun í embætti dómara við Landsrétt og hins vegar setningu til og með 28. febrúar 2029. Sjö umsóknir bárust um embættin.

Dómnefnd um hæfni umsækjenda um embætti dómara hefur skilað umsögn sinni til dómsmálaráðherra. Það er mat nefndarinnar að Ingibjörg Þorsteinsdóttir sé fremst umsækjenda og því næst Eiríkur Elís Þorláksson til að hljóta skipun og setningu í embætti dómara við Landsrétt en greint er frá þessu í tilkynningu frá stjórnvöldum.

Dómnefndina skipuðu: Ása Ólafsdóttir formaður, Helga Melkorka Óttarsdóttir, Jóhannes Sigurðsson, Reimar Pétursson og Þorgeir Örlygsson.