Lögreglan hafði afskipti af fjölda mála um í gærkvöldi og í nótt, þar á meðal handtökum, umferðarlagabrotum og líkamsárás.

Aðili var handtekinn eftir að hafa ekki farið að fyrirmælum lögreglu, en viðkomandi hafði áður valdið usla utan við skemmtistað í miðborginni. Var hann vistaður í fangageymslu vegna ástands síns.

Alls voru níu aðilar handteknir grunaðir um akstur undir áhrifum áfengis og fíkniefna. Allir voru látnir lausir að lokinni sýnatöku.

Þá var ökumaður stöðvaður við akstur án ökuréttinda. Málið var afgreitt með vettvangsskýrslu.

Lögreglu barst einnig tilkynning um líkamsárás á skemmtistað. Málið er nú til rannsóknar.

Að auki voru sjö ökumenn kærðir fyrir of hraðan akstur. Sá sem hraðast ók mældist á 142 km/klst þar sem leyfilegur hámarkshraði er 90 km/klst.