Karlmaður hefur verið dæmdur brot í nánu sambandi en málið var tekið fyrir í Héraðsdómi Reykjavíkur.

Hann var ákærður fyrir að hafa ógnað lífi hennar með því að hafa sunnudaginn 18. júní 2023, á heimili þeirra, tekið hana kverkataki og þrengt að öndunarvegi hennar þannig að hún átti erfitt með andardrátt með þeim afleiðingum að hún hlaut mar á hálsi. Einnig var hann ákærður fyrir að hafa laugardaginn 26. október 2024, kýlt hana með krepptum hnefa í höfuð, skallað hana í andlit og bitið hana í framhandlegg hægri handar, allt með þeim afleiðingum að hún hlaut mar og rispur víða á höfði og andliti, kúlu á enni vinstra megin, bitfar og mar á framhandlegg hægri handar.

Maðurinn játaði brot sitt en hann hefur aldrei áður verið dæmdur fyrir ofbeldisbrot. Í dómnum er einnig tekið fram að hann sé edrú í dag.

Hann var á endanum dæmdur í sex mánaða fangelsi og er dómurinn skilorðsbundinn til tveggja ára.