Björgvin Helgi Halldórsson, jafnan kallaður Bó Halldórs, er látinn 74 ára að aldri eftir að hafa orðið bráðkvaddur á heimili sínu í Hafnarfirði. Hann fæddist þar 16. apríl 1951 og bjó í bænum alla sína tíð.
Morgunblaðið greinir frá þessu.
Björgvin hóf tónlistarferil sinn með hljómsveitinni Bendix en steig fljótt fram sem söngvari Flowers. Síðar söng hann með hljómsveitum á borð við Ævintýri, Brimkló, Ðe lónlí blú bojs og HLH-flokknum.
Árið 1995 var Björgvin fulltrúi Íslands í Söngvakeppni evrópskra sjónvarpsstöðva með lagið Núna.
Auk tónlistarstarfa var Björgvin þekktur sem þulur og rödd Stöðvar 2. Hann hélt árlega jólatónleikana Jólagesti Björgvins, sem nutu mikilla vinsælda og voru síðast haldnir árið 2024.
Björgvin var sæmdur riddarakrossi Hinnar íslensku fálkaorðu árið 2011 fyrir framlag sitt til íslenskrar tónlistar.
Eftirlifandi eiginkona hans er Ragnheiður B. Reynisdóttir. Þau eignuðust saman tvö börn, Svölu og Krumma, en fyrir átti hann soninn Sigurð Þór.
