Þegar horft verður til baka á borgarstjóraferil Dags B. Eggertssonar mun verða máluð nokkuð jákvæð mynd af lækninum klóka enda var tíð hans í embættinu að mestu leyti góð fyrir Reykvíkinga. Það tekst engum að vera borgarstjóri svona lengi án þess að hafa eitthvað til málanna að leggja. Þar með er ekki sagt að hann hafi ekki gert mistök en meðal þeirra er hægt að nefna íbúaráðin svokölluðu.

Sem betur fer hefur nýr meirihlutinn með Heiðu Björgu Hilmisdóttur í fararbroddi lagt íbúaráð borgarinnar niður en þau hafa verið virk síðan 2019. Þau áttu að styrkja tengingu og stytta boðleiðir milli íbúa og stjórnsýslu borgarinnar og styðja við möguleika íbúa á að koma sjónarmiðum sínum á framfæri.

Þrátt fyrir fallega hugmynd var hún gífurlega illa útfærð og hafa þau ekki þjónað neinum tilgangi nema að sóa peningum og tíma fólks í óþarfa mas og blaður …