Það er alveg sama hvað Reykjavíkurborg gerir, alltaf skal einhver kvarta yfir því. Árum saman hefur verið kvartað sárlega yfir því að ekki séu byggðar nógu margar íbúðir á höfuðborgarsvæðinu.

Síðasta sumar tilkynnti borgin að byggja ætti tæplega 500 íbúðir í Grafarvogi. Við tók kvart og kvein hjá íbúum hverfisins sem sáu ekki skóginn fyrir trjánum. Því miður hlustuðu dauðhræddir stjórnmálaleiðtogar borgarinnar á nöldrið, enda er stutt í kosningar. Var því ákveðið að fækka íbúðunum í 340 stykki. Nú síðast ákvað Gísli Marteinn Baldursson, sjónvarpsmaður og fyrrverandi borgarfulltrúi, að ganga skrefinu lengra í volinu.

Í nýlegum þætti af Hjólavarpinu sagði Gísli að 10 þúsundir íbúðir sem stendur til að byggja í Úlfars­felli mun skerða lífsgæði fólks í Grafarvogi með aukinni umferð. Öllu er hægt að kvarta yfir. Sjónvarpsmaðurinn má þó eiga það að hann virðist vera ósáttur við alla en hann lét hafa eftir sér að eina sem sé verra en núverandi meirihlutinn sé núverandi minnihlutinn ...