Anna Kristjánsdóttir telur að „24 farmar“ af Íslendingum komi til Tenerife fyrir páskana.

Vélstjórinn fyndni, Anna Kristjánsdóttir skrifa um eitt og annað í nýjustu dagbókarfærslu sinni sem hún birti á Facebook. Talar hún meðal annars um þann aragrúa af Íslendingum sem nú sækja Paradísareyjuna heim fyrir páskana.

„Dagur 2073 – Páskarnir nálgast.

Mér sýnist sem að 24 farmar af Íslendingum komi hingað til Tenerife frá síðasta föstudegi til og með laugardags fyrir páska og það fer ekkert á milli mála fyrir okkur sem búum hérna. Allsstaðar heyrum við íslensku og ég efast um að spænskumælandi fólki sé hleypt inn í H&M í Síam Mall því þar heyri ég bara íslensku.“

Anna segir einnig frá því að hún hafi séð hálfnakin íslensk ungmenni tala um komandi skemmtun þá um kvöldið:

„Í fyrradag gengu nokkur hálfber íslensk ungmenni framhjá svölunum mínum talandi um hve yrði gaman um kvöldið. Þó efast ég um að þau hafi öll náð aldri til að drekka áfengi. Sjálf hefi ég haldið mig til hlés, meðal annars vegna skorts á Mjallhvíti. Þá hefi ég gætt þess að vera ávallt með smávegis hundanammi þegar ég hefi rölt til hennar Knúsu minnar til að færa tík fyrrum tjaldbúans.“

Seinna í færslunni minnist Anna á eigin drykkju og þá staðreynd að RÚV hafi sýnt þátt um skaðsemi áfengisdrykkju aldraða, daginn eftir að hún drakk of mikið á bar sem hún kallar Búkkann.

„Alveg er það merkilegt að kvöldið eftir að ég drakk aðeins of mikið á Búkkanum, er sendur út þáttur í Ríkissjónvarpinu um skaðsemi áfengis fyrir eldra fólk, meira að segja með viðtali við Kristínu Björgu Þorsteinsdóttur vinkonu mína. Takk Sigríður Halldórsdóttir.

En ég er samt ekkert hætt, allavega ekki ennþá.“