Áslaug Arna Sigurbjörnsdóttir, fyrrverandi varaformaður Sjálfstæðisflokksins, var óheppin þegar hún tapaði naumlega formannskjöri í flokknum fyrir Guðrúnu Hafsteinsdóttur í mars með eins prósents mun.

Nú er Áslaug Arna höfð til hliðsjónar í umræðu um breytingar á leigubílamarkaði, sem hafa verið til umræðu eftir hópnauðgunarmál leigubílsstjóra og stjórnleysis á biðstöðum leigubílstjóra í kjölfar þess að leigubílaakstur var afregluvæddur.

Áslaug Arna var einn helsti stuðningsmaður nýs leigubílafrumvarps árið 2022. Hefur færsla þriggja ára gömul hennar á X verið særð upp í umræðunni, en þar segir hún: „Ég er handviss að aukið frelsi og ný­sköp­un mun stuðla að auknu öryggi, betri þjónustu, meiri sveigj­an­leika, samnýtingu og betri umferðarmenningu fyrir neytendur og ökumenn.“

Boðskapurinn þykir ekki hafa náð að passa vel við þá þróun í kjölfar laganna að Isavia hefur nú ráðið sérstakan vörð fyrir leigubílastæðið við Leifsstöð, vegna átaka leigubílsstjóra.

Ljóst þykir að í baráttu um þjóðernis- og íhaldsfylgi Sjálfstæðisflokks við Miðflokkinn mun frjálslyndi og frjálshyggja Áslaugar verða fjötur um fót.

Þó var lán í óláni að á sama tíma og umræðan gekk hæst var Áslaug Arna víðs fjarri. Hún var á draumkenndu ferðalagi í París, eins og sjá mátti á samfélagsmiðlum.